國泰幫「空媽」瘦身

【明報專訊】空中服務員個個身材標準，著起制服特別醒神，究竟有冇瘦身秘訣？國泰航空（0293）公關大員話，原來國泰有為員工提供瘦身服務，特別係畀一班生完BB嘅空姐媽咪。 呢班新丁媽媽，又進補，加上要湊BB，生活節奏唔同，唔多唔少都會發福。咁空姐都希望盡快恢復苗條身材，着番同一件制服，招呼乘客嘛。其實有唔少瘦身公司就提供優惠服務畀呢批空姐媽媽，國泰都有安排呢類瘦身服務，推廣畀空姐。 另外，國泰現正招聘空中服務員，早排港龍招聘50名空中服務員，應徵者排晒長龍，派咗千幾個籌。不過，應徵國泰就唔使排隊，上網登記就得。