賣地破百億 黃志祥帶頭鼓掌

【明報專訊】早幾次賣地都見唔到佢蹤影嘅信置（0083）主席黃志祥（右四），喺噚日聶歌信山地皮拍賣場合上終於「蒲頭」。作為「地產大好友」，黃志祥入場前，就好坦白咁同記者講，今次投地會同華置（0127）、萬泰等財團合作，而佢老人家噚日除咗帶埋愛兒、現任信置執行董事黃永光（右三）到場觀戰外，華置董事劉鳴煒（右二、即「大劉」的公子）亦係同黃氏父子兵一齊坐，可見佢哋的確係同坐一條船。噚日，當地皮賣到100億元時，黃志祥帶頭鼓掌，引起場內一陣小哄動。黃志祥其後話，今次價錢好合理，佢見到塊地有咁嘅成交價亦好開心，不失「大好友」本色。

（李紹昌攝）