重汽處女作 現身《唐山》

【明報專訊】叫好又叫座嘅《唐山大地震》，影片敘事橫跨30年，需要大量嘅「老古董」作為道具。導演馮小剛喺籌拍之初，就向全社會發出「緊急動員令」，徵集道具，片中第一幕就出現嘅「黃河JN150」重型汽車原來大有來頭，它係中國最早自主研發製造嘅國產重型汽車「黃河JN150型」8噸載貨汽車，製造商係中國重汽（3808）嘅前身濟南汽車製造廠。

首架國產重型車 60年代製成

解放後，中國未有國產重型汽車，中國重汽前身濟南汽車製造廠，50年代只係一間小廠。濟汽决定生產重型汽車，但當時正值經濟困難時期，國家沒有任何投資，濟汽職工憑着滿腔熱誠，每天工作10幾小時，用40天時間繪出幾百張草圖，靠簡陋設備和手工生產出幾千個零件。前後經過4個半月嘅拼搏奮戰，1960年4月15日，終於試製成功咗中國第一輛重型汽車—黃河牌JN150型8噸載貨汽車。

今時今天嘅中國重汽，自主研發能力與國際技術水平接軌。目前已開發出具有自主知識產權嘅HOWO等9大系列整車產品，車型達2700多個。2008年底，中國重汽推出自主研發的全新一代重卡HOWO-A7，以及電控機械式自動變速器（AMT）。重汽獲得國家授權專利940多項，成為全國汽車行業專利最多嘅企業。