茅台酒價錢猛漲

【明報專訊】內地樓價急升嘅程度，普通市民實在吃不消，但原來有樣嘢更加令人吃不消。小琴講緊嘅係茅台酒價格。近來內地一線白酒零售價「漲聲」一片，500毫升53度飛天茅台，喺廣州市面上嘅均價8月份全線突破千元（人民幣．下同）大關，零售價最高達1198元，超出廠家最高限價730元一大截。

《廣州日報》報道，有經銷商告訴記者，茅台零售價最高限價早已成為一文廢紙，近期瘋搶茅台嘅原因，在於部分上游經銷商囤貨惜售。有囤貨經銷商話，如今與其炒茅台股票，不如直接炒茅台酒，茅台囤上幾年賺錢多過炒房，去年一年其囤積嘅茅台酒，就升值咗八成。

一位化名李焦嘅酒行老闆話，佢係酒民又係股民，如果回首過去5年，炒茅台股票肯定不如直接炒茅台酒爽快。「2005年53度飛天茅台才300多元一瓶，這5年來每年漲100多元，收益比炒股票多很多。」