阿里董事連環沽股

【明報專訊】阿里巴巴（1688）獨立非執行董事關明生，近排唔知點解猛咁沽貨套現，7月份及8月份，已先後6次沽出阿里嘅股份。小琴幫佢計一計數，總共已套現近3000萬元。

兩月沽6次 尚持1.2億元股份

關明生係阿里巴巴嘅舊員工，佢2001至03年出任阿里巴巴集團嘅總裁，現時自己出嚟搞一間顧問公司。港交所資料顯示，關明生喺7月7日至8月17日，分6次沽出阿里股份，每次10萬至40萬股不等，平均作價介乎15.344元至15.935元之間，總共套現2955萬元。減持之後佢尚有770萬股，現市值1.18億元。