新聞類別
財經
詳情#
【明報專訊】恒隆地產（0101）噚晚近7點出咗份通告，話會向「一位人士」授出股份認購期權。本來，上市公司向員工發出認股期權，真係好平常嘅事。不過，今次恒隆授予嘅「一位人士」，既唔係公司董事、亦唔係主要行政人員、亦唔係主要股東或與主要股東有關連嘅人士，咁究竟係邊個，就冇講明，呢位人士嘅身分認真神秘。
股權現市值逾3000萬
據公司通告，恒隆地產係根據2002年11月所採納嘅股份期權計劃，將向呢位人士售出認購期權，可以按噚日嘅收市價每股34.15元，認購90萬股每股面值一元嘅新股，可以喺10年內行使，呢批股份現市值約3074萬元。
小琴好奇嘅係，呢位人士並非公司董事，又非主要行政人員，點解恒隆會畀佢認股期權？噚晚小琴都試過搵恒隆方面問一問，可惜至截稿前都暫時未能搵到。
留言 (0)
2025年05月25日 11:31