鄭中基開紅館騷預埋囡囡

【蘋果日報】鄭中基、衛詩雅、陳庭欣（Toby）、邵音音及麥子樂等，前晚在尖沙嘴出席《毒魔》（Venom）首映。鄭中基宣佈農曆新年會舉行四場紅館演唱會，他說：「連續四年新年都冇嘢食，好耐冇開演唱會，今次主題關於愛同希望，鼓勵香港人，我個女話要唱，佢已經揀咗歌同我合唱，阿仔就唔鍾意唱歌，鍾意玩樂器。」
另外，衛詩雅剛出席完法國同米蘭時裝周，她自言因此得了被害妄想症，每日都驚被扒手偷東西，她說：「身邊唔同嘅人都被偷唔同嘅嘢，今次同經理人一齊去，其間有外國人攞住相機走埋嚟問我嘢，我哋即刻攬住啲嘢邊退後邊回應，力保不失已經係贏咗，媽咪事前教我將啲錢放喺唔同地方，放喺鞋同底衫褲裏面。」
採訪：張俊銘
攝影：仇志德