羅霖自嘲命水差過狗

【蘋果日報】羅霖（Candy）昨日於銅鑼灣為自家酒業宣傳，Candy瓣數多多，目前除了酒業，還有美容院及BB臍帶血庫生意，她說：「美容院啱啱開咗三個星期，估唔到已經有內地投資者問我有冇興趣去內地開，不過我諗住香港生意穩定咗先。」
Candy透露月中將以代言人身份宣傳寵物旅遊，還會坐私人飛機，她說：「到時仲會有靚仔model一齊影婚紗相，我都冇諗過我咁嘅年紀都有人睇得起，對我有着數㗎，可以順便帶埋個仔去旅行。」Candy又指之後會帶同寵物松鼠狗一同拍攝，她說：「養咗隻狗女半年，我覺得佢好有福氣，因為佢有好多贊助，人同狗條命都有生得好唔好，佢條命好過我，我當佢係女。」Candy表示狗女今次拍攝也有利是作酬勞，而狗女聰明乖巧，為他們帶來無比歡樂。
採訪：羅慧敏
攝影：陳俊強