張敬軒台上遇襲數辛酸

【蘋果日報】張敬軒、李克勤及古巨基等前晚跟容祖兒一起到澳門出騷。軒仔表示握手時遭女粉絲的指甲鎅傷，令他想起以往慘痛經歷：「試過內地做活動，有歌迷用原字筆篤我背脊，喺美國又試過俾人揸pat pat，可能佢哋以為買飛包埋呢啲。」
另外，李克勤彈結他演繹《只想你會意》和《認錯》，騷後克勤提到中秋到日本旅遊，跟太太盧淑儀及譚詠麟玩MariCAR，他說：「好好玩好開心，穿梭好多人流嘅地方，原宿、澀谷都有去，幾過癮，停喺表參道時有人大叫：『盧淑儀！』望清楚原來係甘比。」問到23歲的校長兒子譚曉風有否同行，克勤說：「所有都係大人，超過25歲。」之前克勤網上晒跟外父合照，有網民驚嘆克勤樣子比外父蒼老，克勤笑說：「我呢啲麻甩佬，人哋說話唔會放喺心，嗰日係打完波，同外父食生日飯慶祝，之後盡量執正個樣先啦。」
採訪：雷曹
攝影：林賓尼