龍脷葉潤肺湯

入秋成日喉乾乾想咳，不妨將羅漢果、無花果，配上龍脷葉、枇杷葉和蘋果來煲湯。雖然湯水帶少許甘，但潤肺潤喉功效非常顯著！
材料
龍脷葉/枇杷葉各 5錢、羅漢果半個、乾無花果 4粒、蘋果 3個、瘦肉（切塊） 1斤、薑 1塊、水 12碗、鹽/惹味粉各 1茶匙
做法

1.蘋果切 4件，去核去芯。羅漢果開邊。
2.煲滾水，加入薑和瘦肉，汆水 1分鐘，盛起備用。

3.煲滾水，加入蘋果、瘦肉、枇杷葉、龍脷葉、羅漢果和無花果，加蓋，以大火滾 10分鐘，收細火再煲 1小時，下鹽及惹味粉即可。
貼士：
瘦肉用薑汆水可以去腥味。

資料來源︰蘋果日報2011年10月7日