新聞類別
財經
詳情#
【明報專訊】八両金（本名葉子申），名字很特別，一直以當搞笑丑角為主，原來他對投資市場也相當熟悉。事實上，八両金一提起樓市就滔滔不絕，由香港到福建，再到廣西，由揀樓要求到政府政策都有他的一套看法。
八両金1997年前靠投資炒賣，身家最高峰時逾億元，金融風暴後卻差點無家可歸，令他看透富貴如浮雲，更坦言香港是他的傷心地，以後都不會再買香港樓，但他對內地就滿懷希望，希望退休前能在內地東山再起，賺回當年的身家。
「我唔靚仔，但我因為唔靚仔，所以出名。」八両金從不介意自己的外形，因為他深明娛樂圈靚仔何其多，既然外表不夠俊俏，倒不如利用自己的「天賦」做賣點，成為娛圈中難以取代的諧星之一，他的的投資之道亦是去到盡。
八十年代炒澳元 數周賺90萬
回想1983年從內地來港發展，當時由裝修學徒做起，然後漸漸建立個人的裝修生意，幾年後已儲了人生第一個300萬元，以他的性格當然不會只將現金放在銀行收息，而是選擇「錢炒錢」。「當年有個銀行經理同我講，澳元息口有20厘，如果我將全部港元換澳元，息口高過香港存款好多，而且澳元一升，我就可以連升值同利息一齊賺，如果我突然急需用錢，銀行仲可以幫我套現九成。當時我馬上兌晒全副身家，又馬上套現九成，即係270萬元，再兌澳元，再套現九成，就係咁套現、兌換好幾次，用盡所有Quota（配額），結果澳元短期內由5.7升到6.1，我就馬上兌番做港元，幾個星期之間，連息連手續費我淨賺差不多90萬元。」八両金愈說愈自豪，就像這90萬元是今天剛剛賺到一樣。
高峰期持9住宅4間舖
其後他將目標專注在香港，不過，89年他就嚐到了炒樓第一個苦頭：「六四之後，人人對香港前景睇得好淡，當時樓價大跌，我炒城市花園蝕過幾百萬元，好彩一年之後就升番，而且升得更快。」
自此他對香港樓市滿懷信心，最高峰時手持9個住宅4間舖，雖然當時他開始演藝生涯，但只屬玩票形式，「正職」還是炒樓和投資。不過97年後逾億身家轉眼蒸發掉，更被迫破產交還所有的物業，最後連老婆都離他而去，留下他和兒子相依為命。
在福建買兩層樓
幸好突出的外形，令他幾年間已「揚名」中港台，加上在娛樂圈中人緣不錯，能靠登台演出掙取生活費，不致三餐不繼。
經過十多年的洗禮，他現時已在福建自置了兩層物業，更打算在內地東山再起：「買樓最重要係睇地點，要考慮到當地人嘅收入，先知道會唔會有水位，我打算去二、三線城市炒舖炒商場，去廣西、徐州搵低水物業，不過呢類三線城市配套未足，都會有風險，但我會同商家合作，減低個人風險。」
雖仍雄心壯志，他卻不敢再在香港買樓，一來因為他曾破產，不能向銀行申請按揭；二來香港是他的「傷心地」，不欲前事再記；三來是現時樓價已經太高，脫離了一般市民的收入，他更大罵政府向發展商傾斜：「現時樓市憑咩貴過97年？新樓就愈起愈細，舊樓就愈來愈舊，97年前人人豐衣足食，一份人工唔夠使就搵兩份，家只係一份普通文員工，就要返9至10個鐘，收入又唔見得高過當時。」他指着現時每月以2萬元租住的城市花園730方呎單位說：「呢個單位家都要600幾萬元，只係一個近30年樓嘅兩房單位都要咁貴，試問正常打工仔點負擔？唔使生仔養育父母呀？」
倡政府建100萬元樓
他認為，就算樓市再好都不及市民能有一個安樂窩，質疑港府年年有盈餘，為何不幫助低下階層置業安居？他更道出心中理想資助型房屋的藍圖：「新界有地，政府又有錢，可以興建一類廉價單位，用100萬元左右賣畀收入不多嘅市民，呢類單位唔可以買賣轉讓，只可以父母傳畀子女，令私人市場同公營市場分開。」
他更表示，早於半年前已睇好梁振英做特首，皆因他出身低下階層，明白民間疾苦，覺得他將會是歷屆以來最好的特首。
明報記者 歐陽慧恩
攝影﹕陳淑安
八両金1997年前靠投資炒賣，身家最高峰時逾億元，金融風暴後卻差點無家可歸，令他看透富貴如浮雲，更坦言香港是他的傷心地，以後都不會再買香港樓，但他對內地就滿懷希望，希望退休前能在內地東山再起，賺回當年的身家。
「我唔靚仔，但我因為唔靚仔，所以出名。」八両金從不介意自己的外形，因為他深明娛樂圈靚仔何其多，既然外表不夠俊俏，倒不如利用自己的「天賦」做賣點，成為娛圈中難以取代的諧星之一，他的的投資之道亦是去到盡。
八十年代炒澳元 數周賺90萬
回想1983年從內地來港發展，當時由裝修學徒做起，然後漸漸建立個人的裝修生意，幾年後已儲了人生第一個300萬元，以他的性格當然不會只將現金放在銀行收息，而是選擇「錢炒錢」。「當年有個銀行經理同我講，澳元息口有20厘，如果我將全部港元換澳元，息口高過香港存款好多，而且澳元一升，我就可以連升值同利息一齊賺，如果我突然急需用錢，銀行仲可以幫我套現九成。當時我馬上兌晒全副身家，又馬上套現九成，即係270萬元，再兌澳元，再套現九成，就係咁套現、兌換好幾次，用盡所有Quota（配額），結果澳元短期內由5.7升到6.1，我就馬上兌番做港元，幾個星期之間，連息連手續費我淨賺差不多90萬元。」八両金愈說愈自豪，就像這90萬元是今天剛剛賺到一樣。
高峰期持9住宅4間舖
其後他將目標專注在香港，不過，89年他就嚐到了炒樓第一個苦頭：「六四之後，人人對香港前景睇得好淡，當時樓價大跌，我炒城市花園蝕過幾百萬元，好彩一年之後就升番，而且升得更快。」
自此他對香港樓市滿懷信心，最高峰時手持9個住宅4間舖，雖然當時他開始演藝生涯，但只屬玩票形式，「正職」還是炒樓和投資。不過97年後逾億身家轉眼蒸發掉，更被迫破產交還所有的物業，最後連老婆都離他而去，留下他和兒子相依為命。
在福建買兩層樓
幸好突出的外形，令他幾年間已「揚名」中港台，加上在娛樂圈中人緣不錯，能靠登台演出掙取生活費，不致三餐不繼。
經過十多年的洗禮，他現時已在福建自置了兩層物業，更打算在內地東山再起：「買樓最重要係睇地點，要考慮到當地人嘅收入，先知道會唔會有水位，我打算去二、三線城市炒舖炒商場，去廣西、徐州搵低水物業，不過呢類三線城市配套未足，都會有風險，但我會同商家合作，減低個人風險。」
雖仍雄心壯志，他卻不敢再在香港買樓，一來因為他曾破產，不能向銀行申請按揭；二來香港是他的「傷心地」，不欲前事再記；三來是現時樓價已經太高，脫離了一般市民的收入，他更大罵政府向發展商傾斜：「現時樓市憑咩貴過97年？新樓就愈起愈細，舊樓就愈來愈舊，97年前人人豐衣足食，一份人工唔夠使就搵兩份，家只係一份普通文員工，就要返9至10個鐘，收入又唔見得高過當時。」他指着現時每月以2萬元租住的城市花園730方呎單位說：「呢個單位家都要600幾萬元，只係一個近30年樓嘅兩房單位都要咁貴，試問正常打工仔點負擔？唔使生仔養育父母呀？」
倡政府建100萬元樓
他認為，就算樓市再好都不及市民能有一個安樂窩，質疑港府年年有盈餘，為何不幫助低下階層置業安居？他更道出心中理想資助型房屋的藍圖：「新界有地，政府又有錢，可以興建一類廉價單位，用100萬元左右賣畀收入不多嘅市民，呢類單位唔可以買賣轉讓，只可以父母傳畀子女，令私人市場同公營市場分開。」
他更表示，早於半年前已睇好梁振英做特首，皆因他出身低下階層，明白民間疾苦，覺得他將會是歷屆以來最好的特首。
明報記者 歐陽慧恩
攝影﹕陳淑安
留言 (0)
