謝鴻興唔肯數怪醫

【明報專訊】立法會醫學界候選人謝鴻興，同人稱「怪醫」嘅梁家騮噚日出席商台節目《在晴朗的一天出發》舉行嘅選舉論壇。若果大家以為有連場激辯，就可能失望，事關謝醫生全程對怪醫非常留手，唔單止拒評其任內表現，喺互相質詢環節，謝醫生更話「無乜想問」，唯一想知嘅，只係選舉之後佢哋兩個仲係咪朋友？


為時約一粒鐘嘅論壇，怪醫一開始都幾進取，要求謝醫生講對自己有何不滿。不過，謝醫生點都唔肯講，話就算有不滿都唔會講出口，連主持都忍唔住問謝醫生，到底佢點解要參選？兜完一輪圈，謝醫生終於講出自己有乜優勝過怪醫——佢話，怪醫「仔細老婆嫩」，佢自己就仔大女大、多啲時間咁話。