新聞類別
港聞
詳情#
【明報專訊】以往政府宣傳都只會喺電視賣廣告或者印吓海報咁，無乜新意，不過，政府為咗催谷立法會選舉，近日有新搞作，推出有獎問答遊戲app，頭獎有8000蚊電器禮券，二獎都有1500蚊超市禮券，三獎係500蚊超市禮券，獎品幾吸引㗎。政府送獎品叫人投票，Emily印象中就真係非常少見。
個有獎app叫「我要做議員」，玩家要答有關立法會選舉嘅選擇題，有Android同iOS版本，由香港電台網站製作。遊戲分4個級別，只要玩家喺選舉日、即9月9日或之前，答中問題過關，達到最高嘅「資深議員級別」，就可以登記參加抽獎。頭獎1名，二獎亦只得兩個名額，要抽中都唔係咁易。
Emily噚日急不及待下載嚟試玩，個app問到嚟緊立法會選舉嘅安排，例如票站投票時間、地區直選嘅票箱顏色等，有啲問題其實都幾難㗎，例如問香港嘅立法機關喺邊一年成立、《基本法》邊一條界定立法會嘅職權等。
題目拉「忘不了你局長」落水
Emily發現有啲問題都幾幽默。例如有條係問，立法會議員會因為乜嘢原因失議員資格，畀玩家選擇嘅答案有「唱歌走音」同「破壞市容」，擺明搞笑。仲有條問題係﹕「下列哪項不是立法會議員的職責？」正確答案係﹕「聽局長唱忘不了你」，好明顯講緊之前高歌《忘不了你》而熱爆嘅前食物及衛生局長周一嶽啦，唔知佢見到呢條問題會有乜嘢感覺呢？
個有獎app叫「我要做議員」，玩家要答有關立法會選舉嘅選擇題，有Android同iOS版本，由香港電台網站製作。遊戲分4個級別，只要玩家喺選舉日、即9月9日或之前，答中問題過關，達到最高嘅「資深議員級別」，就可以登記參加抽獎。頭獎1名，二獎亦只得兩個名額，要抽中都唔係咁易。
Emily噚日急不及待下載嚟試玩，個app問到嚟緊立法會選舉嘅安排，例如票站投票時間、地區直選嘅票箱顏色等，有啲問題其實都幾難㗎，例如問香港嘅立法機關喺邊一年成立、《基本法》邊一條界定立法會嘅職權等。
題目拉「忘不了你局長」落水
Emily發現有啲問題都幾幽默。例如有條係問，立法會議員會因為乜嘢原因失議員資格，畀玩家選擇嘅答案有「唱歌走音」同「破壞市容」，擺明搞笑。仲有條問題係﹕「下列哪項不是立法會議員的職責？」正確答案係﹕「聽局長唱忘不了你」，好明顯講緊之前高歌《忘不了你》而熱爆嘅前食物及衛生局長周一嶽啦，唔知佢見到呢條問題會有乜嘢感覺呢？
回應 (0)
