細孖郭永健拉票可「分身」

【明報專訊】搞選舉工程，少啲心力都唔得。喺新東排喺張超雄後面、前港大學生會會長郭永健，原來一直收埋一件「秘密武器」，就係佢嘅孖生哥哥郭永禧。「大孖」噚日現身工黨嘅造勢大會為「細孖」打氣，由於二人相似度高達99％，有人仲講笑話佢可以扮細佬幫手落區派單張，相信都唔會被人揭穿。


唔再競逐連任立會嘅鄭家富，噚日亦現身撐場。佢大爆工黨早前見佢「無黨無派」，曾積極游說佢加盟，但由於民主黨傷得佢太深，佢暫時都唔想加入任何政黨，話要唞一唞喎。


參選新東嘅仲有湯家驊、梁國雄、陳克勤、田北俊、劉慧卿、葛珮帆、黃成智、葉偉明、龐愛蘭、方國珊、陳志全、范國威、龐一鳴、蔡耀昌、邱榮光、陳國強、何民傑、梁安琪同徐家傑。