何鍾泰話功能組終會取消

【明報專訊】競逐連任嘅立法會工程界候選人、被視為「唐營」嘅何鍾泰，今屆將面對「梁營」盧偉國同泛民黎廣德夾擊，仲有老對手陸宏廣。可能因為選情緊湊，年逾70嘅何博士頻頻落區宣傳，直情當選直選一樣。何博士話，功能組別終有一日會取消，所以想走出工程界、走入市區接觸市民喎。


走出工程界落區

何博士噚日去太古港鐵站附近派單張，強調自己唔係「欽點」。佢仲話年輕工程師好擔心「手停口停」，希望人人有工做。其實何博士主打基建議題都諗過度過，事關佔三成選民嘅年輕工程師好大機會左右選情㗎。何博士話，佢喺政府工程師嘅支持好穩陣，大部分工會寫咗信支持佢，佢希望同對手「君子之爭」咁話。