論壇提到周星馳馬逢國口啞啞

【明報專訊】立法會體育、演藝、文化及出版界今年嘅選情比較熱鬧，有3個人參選。喺噚日一個論壇上，有泛民背景嘅「伙炭」視覺藝術家周俊輝提出尖銳問題，要另外兩名候選人表態，包括李旺陽離奇死亡同埋23條立法。


周俊輝問題尖銳

港區人大馬逢國選擇唔直接回應，只係話「唔係點識得去理解」傳媒話李旺陽「被自殺」。 至於23條立法，馬逢國話中央政府對香港已經「非常寬容」，強調23條立法係香港嘅憲制責任，認為政府喺聆聽市民嘅專業同關注「應可以做得好啲」。獨立嘅蕭思江就話同類事件喺香港「應該唔係問題」，因為事件唔會喺香港發生。


另外，馬逢國一直強調做二次創作前，必須先問准原創者，周俊輝就批評，馬逢國支持者黃百鳴嘅電影中，「周星馳都有扮阿諾舒華辛力加」，質疑當時周星馳有冇問過阿諾。馬逢國聽到都呆咗，只係回應話唔想評論具體情况。