摩托羅拉4000人「冇得撈啦」

【明報專訊】自從智能手機興起，過去傳統手機大廠可以話冇啖好食，諾基亞（Nokia）就唔在講，去年畀Google收購咗嘅摩托羅拉行動公司（Motorola Mobility）亦唔見得有幾好景。


Google最近就宣布，要裁減4000名摩托羅拉員工，相當於摩托羅拉五分之一嘅人手，Google仲決定關閉三分之一摩托羅拉全球辦公室，名副其實係大整頓。


其實Google咁做都無可厚非，事關摩托羅拉過去4年嘅生意，有3年半都係蝕錢，好似最近一季業績就虧損2.33億美金，所以唔怪得Google要落重手幫佢止血。


記得以前小琴成日同班老友講笑話，摩托羅拉個名改得衰，響佢度打工隨時會「冇得撈啦」（Motorola諧音），勢估唔到當日談笑，如今竟然真係成為嗰4000人嘅事實。