吳榮春政綱倡嚴懲拖糧立死刑

【明報專訊】要數立選政綱最「爆」，非港島候選人吳榮春莫屬。查實吳先生好早已經報名，但外界一直唔知佢乜嘢來頭，隨着選舉簡介公開，佢嘅神秘面紗亦終於揭開。佢嘅政綱除咗提出多項創意無限嘅政策外，估唔到竟然觸及……死刑。


報稱「工人」嘅吳榮春，提出多項保障勞工措施，「激」嘅程度工黨同工聯會都要行埋一邊。吳榮春建議如果僱主拖糧，須以十倍奉還；打工仔每日最高工時8個鐘，每日最多只可加班兩個鐘；要求政府每兩年幫港人驗身一次。此外，佢又建議所有合攞生果金資格嘅港人，都可以去全國各省嘅銀行提取，仲話要引入死刑維持香港治安