公民黨議員網上「畀人打」

【明報專訊】公民黨喺雙非同港珠澳大橋嘅立場，令佢哋喺今次立法會選舉繼續受攻擊。有反公民黨嘅網民噚日上載咗一個「全民暴打公氓黨」遊戲，玩家可以揀用雞毛掃、掃把或櫈等「武器」，喺限時之內打部分公民黨議員嘅卡通肖像，只要佢哋講有關「支持雙非湧港產子」等說話，用武器打佢就會得分。


Emily查過呢個遊戲網站，發現佢喺8月11日、即係大約10日前先至開通，而登記網站嘅資料，係用美國伺服器登記，究竟邊個設計呢個遊戲，Emily到家都唔知。