劉江華迎保釣捐50蚊

【明報專訊】今個月12號喺尖沙嘴碼頭出發嘅「啟豐二號」，成員成功登釣魚島，噚日下午終於返到起航地，約500人歡迎，其中包括部分泛民成員，例如民協馮檢基同埋公民黨、民主黨成員。建制派方面，一直支持保釣嘅全國政協委員劉夢熊、早前表明會嚟接船嘅民建聯劉江華都有在場。


市民身分出席被噓

不過，劉江華無好似其他人咁陪住保釣人士，而係忽然喺人群中出現，但其低調無阻現場市民嘅噓聲，有人質問佢「保釣你哋保過咩」，劉江華話自己係以市民身分出席。


此時，保釣者「阿牛」曾健成好醒呀，即刻拎住個籌款箱過去「抽番水」，劉江華都好識做咁即刻捐咗50蚊，然後大方握手同合照。事後Emily問阿牛覺唔覺得劉江華抽水，佢話保釣無分黨派，總之出席就係支持。


阿牛：保釣無分黨派

之後劉江華同番Emily講，噚日帶好少錢出街，原本亦無預有籌款，已經捐晒身上嘅錢喇。


參選超級區議會仲有李慧琼、陳婉嫻、涂謹申、何俊仁和白韻琹名單；參選新界西嘅仲有梁志祥、麥美娟、陳樹英、陳偉業、麥業成、郭家麒、田北辰、何君堯、陳一華、梁耀忠、陳恒鑌、陳強、李永達、李卓人、譚耀宗。