張國柱澄清「一直質疑」論

【明報專訊】立法會選舉如箭在弦，一句說話隨時可能引起滿城風雨，事緣早前李鄭屋邨發生精神病母親將兩個月大女嬰擲落街慘劇，Emily當日搵立法會社會福利界候選人張國柱問回應，佢話「唔知點解」，近年職業治療師及物理治療師可以擔當精神病康復者的個案經理，佢仲曾就此問過政府點解，但一直未獲政府答覆。


Emily嘅同事其後喺報道中指張國柱「一直質疑」職業治療師係咪有足夠訓練跟進精神病患者，引起唔少職業治療師極大不滿，連日來固然張國柱嘅面書被人「轟炸」，明報嘅電郵同電話都響個不停。張國柱發聲明澄清話，「一直質疑」呢4個字唔係佢當時嘅原意。


Emily同事話，當天同佢講電話時，領悟到佢講緊「一直質疑」，但就唔係原話；不過，既然張國柱自己發聲明澄清，Emily嘅同事亦會尊重。


話時話，Emily同事之後同職業治療師傾過，學到唔少嘢，深入知道佢哋嘅訓練包括照顧精神病人，仲好專業