4模擬票站畀市民練習

【明報專訊】今屆立法會選舉，地區選舉候選人名單好長，仲多埋超級區議會議席，即係一人兩票，票站又有不同顏色嘅票箱，好多人都話唔清楚，怕9月9日選民會搞錯選票投錯人。選舉事務處就會搞4個模擬投票站畀人玩吓，熟習投票程序，大家記住：


●銅鑼灣禮頓山社區會堂同美孚社區會堂嘅模擬投票站，將於9月3日至8日開放；

●屯門大會堂同大埔社區中心模擬投票站就喺9月5日至8日開放。


4個模擬票站會喺中午12點至晚上8點開放。另外，選舉事務處已向每個選民寄出投票通知卡，卡上列明選民要去邊度投票，如果選民今個月底都未收到通知卡，可以打去選舉熱線2891 1001問清楚。