方國珊海報被貼對手號碼

【明報專訊】參選新東嘅方國珊（Christine）話，一個禮拜前，有支持者通知佢，發現喺將軍澳厚德街市，有10個檔口嘅海報，被貼咗同區候選人龐愛蘭（Scarlett）個編號喺佢嘅海報上。Christine即刻報畀選舉事務處，其後將編號取下。佢話做呢啲事嘅人魚目混珠，新界東總選舉主任就將案件交畀廉署跟進。


龐愛蘭：有人插贓嫁禍

Emily問咗Scarlett，佢話完全唔知道呢件事，亦絕對唔會咁做，強調做事正當，指控完全失實。佢仲話有人插贓嫁禍，唔知有咩目的，建議Christine報警緝拿真兇以還佢清白。佢又即刻叫助理去街市睇睇，話確認無咁嘅事，會保留法律追究權利，仲畀咗啲相Emily作證。


新東其他參選名單有陳克勤、葛珮帆、葉偉明、黃成智、田北俊、劉慧卿、蔡耀昌、梁國雄、湯家驊、陳志全、張超雄、范國威、邱榮光、何民傑、梁安琪、陳國強、龐一鳴。