鬧爆TVB呃收視

【明報專訊】TVB一人一票選港姐埋門撻Q，網友力斥是「假民主」，部分網友特別在facebook設「強烈要求TBB交代一人一票選港姐網頁問題」群組，更重新舉辦一個「一人一票」的公投票選。截至昨日傍晚為止有近1500人參與，其中有一半人（約754票）投給朱千雪，認為她才是民選的冠軍人選，其次是黃心穎，反而冠軍的張名雅只獲得130票，TVB靠評審選出的結果，似乎正好跟網友選出的結果相反。以下是部分網友反應。


Yuri Mak﹕吹水，扮嘢，十分鐘幾百萬人一齊入同一個server，妄想會無事？全台IT都弱智？呃人就認喇。


Sunny Chan﹕全民投訴TVB大騙局，騙全港市民睇佢選"小姐"!!!一定要比返個交代全香港市民，一係選過，一係以後取消所謂香港小姐，因只係一班電視台入面啲人喺度選「小姐」嚟騙收視...!!!

Sun Ho﹕邊個攞都無所謂，但我覺得唔公平及唔公正，因為一早講明一人一票，最尾話server有問題，是是但但，點呀，玩咩。


Ricky725﹕有心搞，梗係要比時間人投票呀嘛。選舉都要成日時間啦！


尖峰﹕雖然個人覺得邊個做冠軍真係唔多重要，因為上位都唔係只睇名次，但今次打正旗號連節目名都講埋一人一票，搞成咁難免失望。


yu10281226﹕我真係覺得3個入面朱千雪最靚囉，就算唔係冠軍都應該亞軍啦，真係無言呀無綫。