湯家驊生日唔派餅畀記者

【明報專訊】噚日係公民黨新界東候選人湯家驊生日，黨友專門同佢準備咗個蛋糕，祝佢心想事成。


雖然Ronny同記者一齊切蛋糕，不過佢就冇請記者食，點解？皆因《選舉條例》，話晒唔少記者住新界東，分分鐘係佢選民，為免畀人話佢賄選，Ronny助理話，都係唔係咁方便。


怕惹賄選風波避嫌

搞傳媒茶敘「告急」，記者以為Ronny嘅願望一定係當選，但Ronny就話最緊要身體健康。佢話過往幾年一直都喺沙田第一城切蛋糕，今年雖然喺總部有得切，但都唔會例外，下晝會落區補切，夜晚就會同屋企人慶祝。


新界東候選名單仲有梁國雄、葉偉明、劉慧卿、梁安琪、龐愛蘭、葛珮帆、陳志全、邱榮光、陳克勤、張超雄、蔡耀昌、范國威、田北俊、黃成智、何民傑、龐一鳴、方國珊、陳國強。