中大工會大字撐理大超雄

【明報專訊】Emily噚日經過中文大學校園驚見大字報，有人用9張A4紙大大隻字寫住「員工總會支持工黨張超雄」。原來參選新界東嘅張超雄，近日獲得本身係職工盟屬會嘅中大員工總會力撐，本身喺理大教書嘅佢仲話中大係佢嘅重點票倉，皆因呢度有較多留意新聞嘅知識分子。


超雄喺浸大畢業、理大教書，似乎同中大冇乜淵源，但原來兩者多年前已就關注大學管治問題合作無間，關係友好。不過，超雄就話，雖然今次獲員工總會喺中大幫手大賣廣告，但佢對選情唔敢太樂觀，未來仲要加緊擺街站喎。


參選新東嘅仲有湯家驊、梁國雄、陳克勤、田北俊、劉慧卿、葛珮帆、黃成智、葉偉明、龐愛蘭、方國珊、陳志全、范國威、龐一鳴、蔡耀昌、邱榮光、陳國強、何民傑同梁安琪名單。