名博客林忌 fb突被封

【明報專訊】博客林忌以言論出位見稱，佢早前喺facebook分享咗單新聞，就係人網蕭若元持股嘅3D數碼娛樂（8078），同內地官方機構社會科學院合作搞3D電影技術，但好快就有人民力量支持者留言，話要「一人一report，要林忌account收皮」。結果林忌截圖再分享後，fb真係好快就被block咗，要禁言24小時，唔少網友留言支持佢，話希望佢快啲返嚟喎！


事緣呢個叫「Terry Cheung」嘅人力支持者，睇完單新聞後，前晚喺facebook呼籲人用report功能，攻擊林忌戶口，又鼓勵話「唔使多架（㗎），根據實驗，七十零個report就得」，結果林忌截圖再分享後，戶口喺29號晚就被封。


人力粉絲曾發起攻擊

林忌噚日話完全唔覺得截圖有違反使用條款，又話之前問過，facebook應該唔會自動block人，但佢仍希望事件唔係人力所為。佢戶口將被封至今日下晝3點。


港島候選名單仲有許清安、單仲偕、勞永樂、鍾樹根、吳榮春、何秀蘭、葉劉淑儀、王國興、陳家洛、何家泰、曾鈺成、劉健儀、吳文遠名單。