新聞類別
財經
詳情#
【明報專訊】打工仔個個月出糧，最心痛嘅莫過於係揭開張糧單，見到自己人工無咗一橛；仲要間唔中收到強積金投資表現報告，蝕嘅錢仲多過自己每個月供緊嗰份！難怪多數打工仔對強積金只有怨恨，甚至稱呼佢做「強迫金」啦！
不過原來唔係人人咁諗㗎，匯豐做咗個強積金調查，814個受訪者中，竟然有八成覺得每個月應該供多啲！仲有人提議，每月供款額應該去到三成以上！試想吓，每個月人工1.5萬，就有4500蚊走咗去供強積金喎！小琴正覺得匪夷所思，想問下城大曾淵滄教授點睇，點知佢竟然都叫好，仲話咁樣等於賺多啲老細嘅錢！咁又係，供款一人一半㗎嘛，我哋供15%時，老細又要幫我供15%。咁講幾乎可以肯定，提議呢樣嘢嘅，絕對唔會係老細級人馬！
52％人認識強積金自由行
除咗呢個驚人發現之外，匯豐調查仲發現，比起兩年前，多咗人知道乜嘢係強積金半自由行，知道嘅受訪者由28%增加到去52%，佢哋仲估計半自由行實施之後，有20%嘅打工仔會轉強積金公司。都啱嘅，家對於強積金嘅消息彈多過讚，明顯大家對家嘅強積金回報唔多滿意啦。為咗吸呢班客仔，匯豐喺自己分行有強積金專員，幫搞轉會。調查仲有另一個發現，就係多數人覺得退休後嘅錢，只夠用5年幾。大家想退休生活好過啲，係時候要諗諗佢喇。
email:piano@mingpao.com
不過原來唔係人人咁諗㗎，匯豐做咗個強積金調查，814個受訪者中，竟然有八成覺得每個月應該供多啲！仲有人提議，每月供款額應該去到三成以上！試想吓，每個月人工1.5萬，就有4500蚊走咗去供強積金喎！小琴正覺得匪夷所思，想問下城大曾淵滄教授點睇，點知佢竟然都叫好，仲話咁樣等於賺多啲老細嘅錢！咁又係，供款一人一半㗎嘛，我哋供15%時，老細又要幫我供15%。咁講幾乎可以肯定，提議呢樣嘢嘅，絕對唔會係老細級人馬！
52％人認識強積金自由行
除咗呢個驚人發現之外，匯豐調查仲發現，比起兩年前，多咗人知道乜嘢係強積金半自由行，知道嘅受訪者由28%增加到去52%，佢哋仲估計半自由行實施之後，有20%嘅打工仔會轉強積金公司。都啱嘅，家對於強積金嘅消息彈多過讚，明顯大家對家嘅強積金回報唔多滿意啦。為咗吸呢班客仔，匯豐喺自己分行有強積金專員，幫搞轉會。調查仲有另一個發現，就係多數人覺得退休後嘅錢，只夠用5年幾。大家想退休生活好過啲，係時候要諗諗佢喇。
email:piano@mingpao.com
回應 (0)
