唐唐愛將陳維民劈炮

【明報專訊】前政務司長唐英年喺官場嘅愛將陳維民（Darryl），幫唐唐做新聞秘書多年，兩人合作無間，去年唐唐未辭官位時，仲曾爆出Darryl被指幫唐唐助選嘅新聞。目前Darryl喺財經事務及庫務局做副秘書長，喺官場可以話係明日之星，不過官場最近傳出Darryl將會離開政府，據聞會去金融管理局返新工，莫非唐唐做唔到特首，佢亦無意再留喺官場？


傳將入金管局

Emily向Darryl求證，佢承認最近向政府遞咗辭職信，11月底將會正式離開，但無透露有咩新去向，只係話好多嘢都未落實，但唔否認有機會去公營機構。Darryl強調離開政府絕對唔係意興闌珊，反而喺政府做得好開心，亦好享受現時工作崗位，但佢覺得做到某個階段，都想接受新挑戰。Emily喺呢度祝Darryl工作愉快。