傳政府立選日 公布副局名單

【明報專訊】仲有5日就係立法會選舉，到時採訪政治新聞嘅記者朋友，都會傾巢而出採訪呢次4年一度嘅大事，但Emily聽聞，特區政府有意想喺立選投票當日公布副局長人選，如果呢件事係真，政府呢條橋真係好惹人反感喎！

政府中人﹕未聽過

當然，未到禮拜日，政府仍有更改計劃嘅可能，政府中人話未有聽聞呢件事，佢哋只係話，一旦有人選便會公布云云。但Emily仍冒險講呢個消息，其實係真心希望政府唔好做呢啲傻事，以為喺立選當日公布副局長名單，便以為可以唔成為焦點，其實咁樣不單不尊重家仲肯入政府呢個熱廚房嘅副局，更會令傳媒反感