幟哥搵食搵到入境處？

【明報專訊】Emily與屋企人前幾日食飯時睇新聞，家人突然講起，為乜「為食總司令」著名廚師「幟哥」黃永幟，喺電視新聞講深圳非戶籍人口自由行，唔通係講自由行對食肆生意的影響？Emily一睇，發現其實電視新聞中人係入境事務主任協會主席「水哥」倪錫水，講緊嘅係自由行對出入境櫃位嘅壓力。


食客錯認水哥 「係幟哥呀」

噚日Emily見到水哥時，水哥都話佢近年唔停咁畀人認錯係幟哥，曾經與工會同仁同前保安局長葉劉淑儀去西貢食飯，畀一班食客錯認，食客先嗌「葉太呀」，跟手就有人叫「係幟哥呀」，仲話要同兩人合照，合照之後，水哥唯有尷尷尬尬話畀佢哋知﹕你哋認錯人嘞。


忙爭人手紓同袍壓力

除咗食客，其實入境處同事都覺得「水哥」同「幟哥」係幾似樣，有人仲話神情都有啲似