中國企業家聯名反香櫞

【明報專訊】呢個世界有種職業係專職唱衰人，而且分分鐘賺到盤滿缽滿！造空機構香櫞（Citron）就係靠唱衰佢覺得有問題嘅中國企業，搞到佢地名利盡毀。呢種角色就一定會有人對佢恨之入骨啦。噚日60幾名中國高管、投資者同企業家聯名寫公開信，話香櫞認真乞人憎，無恥散布謠言。
前Google中國區總裁發起
呢封聯名信由前Google中國區總裁李開復發起，指責香櫞嘅攻擊目標係中國一啲無問題或者存在極少問題嘅公司，利用美國投資者難驗證真偽，厚顏講大話，令佢地無法在美國順利融資。佢地仲專門開咗一個叫Citronfraud.com（香櫞欺詐）嘅新網站配合抗議。係聯名信上簽名既包括奇虎360 CEO周鴻禕，之前香櫞唱奇虎誇大財務數據。
6月份恒大地產遭到國際沽空機構香櫞唱衰，話佢靠整靚份報表掩蓋無力還債嘅事實。唔知今次恒大見到咁多江湖好兄弟團結係一齊抵制香櫞，會唔會都考慮喺信上簽個名呢？