廣告人撐學民：唔洗，唔該！

【明報專訊】繼演藝界及學術界，Emily噚日見到有廣告界朋友成立大聯盟，支援學民思潮。身為廣告人嘅呢班朋友，發揮小宇宙，用佢哋嘅強項設計咗多款「反洗腦」海報，又以「唔洗，唔該」為口號，創意抗爭反國教科，撐學民思潮。


廣告界支援學民思潮大聯盟發言人Jeff講起，本來係一批數十人廣告界朋友，諗住開個facebook群組，傾吓呢件已到「大是大非」階段嘅議題，又可以凝聚吓，約埋一齊去政總支持學民思潮咁話。點知群組周二成立，一呼百應，眨眼間已有6000人加入，大部分係從事平面或網上廣告以及電視創作人。


呢班廣告人嘅海報設計真係「好得」，先有李小龍交叉雙手反國教科，又有反洗腦泡泡圖案，仲有係「國民教育」四字中突顯的四個×。除咗平面，佢哋將仔女嘅照片，加埋各人就國教科的感想剪成一段片，上載至youTube與人分享。


創意設計 李小龍反國教

阿Jeff話，歡迎大家下載這批海報及短片，隨便攞去使，仲可以帶埋去新政總反國教科，而他們呢班廣告人，就會今晚到新政總支持學民思潮。


■短片連結：http://www.youtube.com