反日情緒漲 日產汽車減推廣

【明報專訊】內地民眾上個月開始反日行動，仲周圍破壞日產汽車，結果令到日產汽車上個月嘅銷量大受影響。日產汽車首席營運官誌賀俊噚日話，日本汽車廠商好難在目前形勢下舉行戶外汽車展銷活動，8月份嘅日產汽車銷量都因為咁受到影響。


不過中國政府都愛莫能助，只可以叫啲日本車商避下風頭。誌賀俊話，日產同埋其他日本汽車廠商都接到中國當地政府嘅通知，建議佢地減少戶外促銷以及其他產品銷售活動，以免成為攻擊目標。


家中國同日本關喺咁緊張，幾時先可以緩和都唔知，日本車商想做生意都真喺唔容易。見到周圍啲人都專揀日本車嚟破壞，仲有邊個敢冒險買日本車呢？小琴就有個內地朋友最近買咗架新嘅日本車，點知一下子即刻畀人打到爛晒，佢大大聲咁同我話，以後都唔買日本車喎﹗