新聞類別
港聞
詳情#
【明報專訊】有16張名單嘅新界西選情激烈，加上範圍大，好多候選人都選擇坐「戰車」巡迴各區嗌咪拉票，其中人流甚多嘅元朗大棠路，附近至少有5、6個候選人街站，乃係各候選人拉票嘅必爭之地。噚日下晝，Emily就見到工黨李卓人、獨立何君堯同埋民主黨陳樹英嘅戰車，喺大棠路「狹路相逢」。不過，3個候選人都好有禮貌，唔單止無互相爭位，大家亦都無好似選舉論壇咁鬥嗌咪、鬥大聲，果然係君子之爭，其中李卓人同何君堯一見到面，仲即刻互相鼓勵對方加油，為對手打氣，認真難得。
伸到盡握手 睇落似愛情片
佢哋兩個之後仲企喺車裏面，將隻手伸到盡去同對方握手，現場猶如上演緊一幕難捨難離嘅戲，唔知嘅仲以為拍緊愛情電影嘅宣傳海報
回應 (0)
