記者唔畀面激嬲長毛

【明報專訊】雖然社民連主席「長毛」梁國雄喺新東以4.8萬票高票當選，但佢噚日全程黑面，好似唔多開心咁，亦唔肯接受記者訪問，就連總結選舉嘅記者會都唔搞。原來長毛除咗慨嘆泛民「得票數失議席」而失落外，更因為佢對記者好「心淡」。


開記招冇人到場

事緣長毛喺投票日下午，聽到人民力量「唱」佢夠票，叫人轉投佢哋；長毛聞言好嬲，亦擔心選情受累，所以準備下午6點搞記者會澄清，但佢等完又等，一個記者都冇到場。


有電視台記者喺選舉結束後追訪長毛，請佢評論吓選情，但長毛因為太嬲記者而拒訪，仲撥開記者支咪