建行3億交易 錯盤即叫停

【明報專訊】股市交易出錯可大可細，話說噚日開市前，有一隻大藍籌突然出現3億元成交，對個市場都影響不小，不過好快就被港交所叫停。呢單被取消交易的股票正係建行（0939）。


上星期五，有市場消息傳，建行H股股東寶鋼集團出咗8.1億股貨，每股5.08蚊，套現41億；噚日朝早9點半開市前，嗰批貨陸續上板，但其中有一宗每股5.08蚊的大手買賣上板，數目6075萬股，算下差唔多3億元，原來有問題，好快港交所就收到錯盤交易申報，即刻取消。小琴想話，雖然3億同41億比都好細，但參與的人都係小心為妙，買股票唔似嗌油菜，冇通菜就轉芥蘭。