劉健儀退休預埋肥仔明

【明報專訊】自由黨主席劉健儀（Miriam）決心離開功能界別，今次喺港島出選，雖然好努力拉票，但最終都以1.7萬票落敗。噚日凌晨4點幾，劉健儀到達點票會場，當時佢已經知道當選無望，但都好平靜，見到同佢喺立法會內委會並肩作戰嘅民主黨李華明，兩人都握手互相問候，Miriam仲同對方講兩個可以齊齊退休，都算好睇得開。


Miriam話佢都好接受結果，強調呢個係選民決定，但就覺得如果今次結果可以預視，就唔會再有功能界別議員肯轉戰直選喎。Miriam喺議會內熟悉議事規則、擔任內委會主席，今次入唔番議會，內委會副主席李華明亦無參選，意味嚟緊內委會都要大執位﹐早前建制派醞釀保險界陳健波做副主席，唔知目前佢考慮成點呢？