劉江華墮馬 有人開香檳

【明報專訊】民建聯副主席劉江華落選「超級區議會」議席，Emily都替佢同一班黨友難過，一代「票王」竟然遭遇滑鐵盧，戰果真係叫人難以置信。不過，一班唔太喜歡劉江華嘅市民受到呢個消息刺激，噚晚竟然拉大隊到劉江華嘅沙田區議員辦事處門外「開香檳」慶祝，現場一度有過百人聚集，辦事處大門關上，在場人士索性將「祝賀」海報貼喺大門，開創另類選舉慶祝活動先河。


另外，有網民喺社交網站facebook開咗一個叫「全港各界熱烈慶祝劉江華落選委員會」嘅專頁，裏面放晒所有針對劉江華落選嘅惡搞改圖。計Emily話，劉議員都已經落選咗，大家即使再唔鍾意佢，都無謂落井下石咯！