CY預告下周宴請當選議員

【明報專訊】香港選舉年終於過去喇，由舊年年底區議會選舉、選委會選舉，到今年嘅特首選舉同立法會選舉，乜都已經選晒出嚟。不過，對新一屆特區政府嚟講，真正嘅挑戰其實仲未嚟，皆因日前選出嘅新一屆立法會，激進民主派抬頭，而原本都仲會同政府講數嘅溫和民主派萎縮，特首梁振英（CY）可以點搞呢？


先禮後兵，CY噚日就預告，下個禮拜初會宴請當選嘅70名議員，一嚟恭賀佢哋當選，同時希望能夠啟動未來4年特區政府同70個議員可以有良好工作關係咁話。呢70人之中有人民力量同社民連嘅4名議員，唔知佢哋賞唔賞面呢？