阿涂一家孖外父外母旅行

【明報專訊】即將齊齊做立法會超級區議會議員嘅民主黨涂謹申、何俊仁，噚日同喺九龍西當選嘅黃碧雲，一齊去咗太子謝票。阿涂本來今日要同其餘當選黨友開黨團會議，但阿涂同Emily講佢要缺席會議，因為佢哋一家三口將第一次同外父外母一齊去旅行。


唔想做黨團召集人

阿涂話會帶埋10個月大嘅囝囝涂B探望朋友5至6日，不過佢大賣關子，唔肯講去邊度。黨友李華明唔選立法會，黨團召集人個位空咗，被問到會唔會做召集人，阿涂就耍手擰頭，話想審議多啲法例，提議做過黨團召集人嘅單仲偕仲好