CY率團上廣州即日來回

【明報專訊】特首梁振英（CY）聽日將率領代表團出席喺廣州舉行嘅粵港合作聯席會議第15次會議，向來講求效率嘅CY，開會後即日傍晚就會返港，時間短就短咗啲，但佢同政務司長林鄭月娥唔喺香港期間，將會由財政司長曾俊華署理特首職務。


CY今次會同廣東省長朱小丹主持會議，同行嘅有林鄭月娥、運輸及房屋局長張炳良、勞工及福利局長張建宗、財經事務及庫務局長陳家強、商務及經濟發展局長蘇錦樑、環境局長黃錦星、發展局長陳茂波、行政長官辦公室主任邱騰華、政制及內地事務局常任秘書長張琼瑤，同埋中央政策組首席顧問邵善波等。據悉，佢哋會就金融、CEPA等多個項目簽署協議。