新聞類別
財經
詳情#
【明報專訊】近年發展商賣新盤，多會以天價推出所謂特色單位，唔少除咗位於樓盤嘅頂層外，更設有私家花園同私家泳池，滿足豪客需要，廣告仲會話，咁樣先有品味。但真正有內涵嘅超級富豪，大宅又會係點嘅呢？
上周六香港電訊前主席張永霖出席由《明報》協辦嘅投資講座時，向大家分享咗佢嘅財富同人生觀。佢提到，早在1998年時獲微軟主席蓋茨邀請到佢嘅大宅作客，睇到蓋茨居所面積達5萬平方呎，其中數千呎係工人工作同住宿，而蓋茨家人亦只係佔用幾千呎，其餘約3.5萬呎，竟然全部係蓋茨嘅藏書地方，反映真正富有和有內涵嘅人，重視知識遠甚於所謂豪宅設施！
勿以為「老子有錢」大晒
張永霖又提到，好多人以為「老子有錢」便高人一等，一啲朋友，買咗幾百萬以至上千萬嘅音響設備，只係用來唱卡拉OK！佢哋懂得聽馬勒交響曲各種版本嘅分別嗎？懂得點解唔聽李雲迪，而要聽郎朗嘅鋼琴演奏嗎？
懂得欣賞 靠學習和修養
欣賞畫作，知道齊白石嘅好，也知道吳冠中和林風眠嘅各自優點嗎？喜歡看董橋文章，咁點解董橋又會推介毛姆，而毛姆又點解會推介莫泊桑同契可夫嘅作品？
「懂得欣賞，靠嘅是學習和修養，而不是老子有錢便可以。」可以有錢買豪宅，卻不能買到品味。張永霖如是說。
email:piano@mingpao.com
上周六香港電訊前主席張永霖出席由《明報》協辦嘅投資講座時，向大家分享咗佢嘅財富同人生觀。佢提到，早在1998年時獲微軟主席蓋茨邀請到佢嘅大宅作客，睇到蓋茨居所面積達5萬平方呎，其中數千呎係工人工作同住宿，而蓋茨家人亦只係佔用幾千呎，其餘約3.5萬呎，竟然全部係蓋茨嘅藏書地方，反映真正富有和有內涵嘅人，重視知識遠甚於所謂豪宅設施！
勿以為「老子有錢」大晒
張永霖又提到，好多人以為「老子有錢」便高人一等，一啲朋友，買咗幾百萬以至上千萬嘅音響設備，只係用來唱卡拉OK！佢哋懂得聽馬勒交響曲各種版本嘅分別嗎？懂得點解唔聽李雲迪，而要聽郎朗嘅鋼琴演奏嗎？
懂得欣賞 靠學習和修養
欣賞畫作，知道齊白石嘅好，也知道吳冠中和林風眠嘅各自優點嗎？喜歡看董橋文章，咁點解董橋又會推介毛姆，而毛姆又點解會推介莫泊桑同契可夫嘅作品？
「懂得欣賞，靠嘅是學習和修養，而不是老子有錢便可以。」可以有錢買豪宅，卻不能買到品味。張永霖如是說。
email:piano@mingpao.com
回應 (0)
