明報「中獎」上保釣號

【明報專訊】本港保釣船「啟豐二號」準備再次出發去釣魚島，一眾傳媒當然唔會放過上船採訪嘅機會，早前紛紛同保釣行動委員會成員登記上船，「登記表」上足足有成24間傳媒。由於保釣船最多可以容納15人，減去船員同保釣成員，成員噚日宣布只可以畀兩間報館同2間電子傳媒嘅記者上船，仲即場抽籤。


《文匯》記者無聽電話 《爽報》執二攤

保釣成員曾健成（阿牛）準備咗膠袋同紙仔，當場搵幾個無參與嘅傳媒機構記者幫手抽，最後文字傳媒抽中《明報》同《文匯報》。喺登記嘅時候，保釣成員講明，抽完籤會即場打畀「中獎」嘅傳媒，若果打三次都無人聽，就當作放棄呢個機會，結果《文匯報》嘅記者無聽電話，「中獎」嘅機會就轉咗畀《爽報》喇。