新聞類別
財經
詳情#
【明報專訊】蘋果上星期終於推出全球矚目的iPhone5，小琴身邊好多同事、朋友都已儲定錢出新機，智能手機市場愈做愈大，連靠電子商貿起家嘅阿里巴巴都想插手，伙拍Acer搞手機，仲高調請咗逾百位北京記者到上海參加新「雲智慧」手機發布會，點知未到達現場，就畀人臨時叫停，成班記者都要折返上海機場，搞到好無癮。
系統未能通過Android兼容測試
聽那批記者講，原來今次新手機臨時夭折，係Google背後出手阻撓所致，原因就係所謂新嘅手機OS叫「阿里雲」，實際上是基於Google的Android系統開發，但又未能通過Android嘅兼容測試，於是難產。
查實Acer本身已經加入咗與Google合作的Open Handset Alliance，成員之間結盟時就曾經互相承諾過，不可以賣通過唔到Android相容測試的手機或者裝置。今次喺Google「溫馨提示」下，Acer同阿里巴巴都無奈要叫停新手機。
阿里諷Google封閉平台
不過，阿里巴巴國際事務副執行長John Spelich好似唔多忿氣，還擊指出阿里雲OS根本不是Android生態系統一部分，所以不需要同Android兼容，諷刺Google「一間口口聲聲說要開放的公司竟然擁護封閉平台。」Acer就夾喺Google同阿里巴巴之間，只好發聲明話會繼續同兩間公司合作。
email:piano@mingpao.com
系統未能通過Android兼容測試
聽那批記者講，原來今次新手機臨時夭折，係Google背後出手阻撓所致，原因就係所謂新嘅手機OS叫「阿里雲」，實際上是基於Google的Android系統開發，但又未能通過Android嘅兼容測試，於是難產。
查實Acer本身已經加入咗與Google合作的Open Handset Alliance，成員之間結盟時就曾經互相承諾過，不可以賣通過唔到Android相容測試的手機或者裝置。今次喺Google「溫馨提示」下，Acer同阿里巴巴都無奈要叫停新手機。
阿里諷Google封閉平台
不過，阿里巴巴國際事務副執行長John Spelich好似唔多忿氣，還擊指出阿里雲OS根本不是Android生態系統一部分，所以不需要同Android兼容，諷刺Google「一間口口聲聲說要開放的公司竟然擁護封閉平台。」Acer就夾喺Google同阿里巴巴之間，只好發聲明話會繼續同兩間公司合作。
email:piano@mingpao.com
回應 (0)
