新聞類別
財經
詳情#
【明報專訊】小琴嘅好多朋友失戀之後都會換個髮型，將舊記憶剪晒，用全新形象面對新生活。蒙牛歷經醜聞後被消費者拋棄，連新東家中糧都厭倦咗蒙牛個樣，決定幫佢換套新衫再見人。噚日開始，蒙牛牛奶已經唔同樣啦！
蒙牛前晚喺北京發布新形象，以往包裝上畫嘅係在草原上吃草嘅牛，新包裝就變成「草原下的一滴奶」。據說新形象係為咗配合品牌新口號「只為點滴幸福」。蒙牛13年來都未試過換裝，呢次大轉變，被大家解讀為要同過去啲衰嘢一刀兩斷。
配合新口號「只為點滴幸福」
從噚日開始，蒙牛正式喺全國100幾萬個網點以新形象上架，新包裝嘅容量價格都唔變。有業內人士認為，家整個乳業負面新聞多，毛利率持續下滑，成本又高，所以使錢買廣告要好慎重。蒙牛換裝本身就係一種宣傳，連廣告費都慳埋。不過，比改變產品形象更重要嘅係，要做好內在產品改良。
有乳業專家就認為，之前蒙牛幾次傷害消費者嘅感情，無可能換個新形象就重塑信任。從前大家好信任佢，佢就塗改生產日期、添加化學品又超標；家無晒舊時風光，先來高呼「信任誠可貴」。究竟消費者會唔會相信蒙牛「浪子回頭」呢？呢個真係要睇蒙牛未來嘅銷量啦。
email:piano@mingpao.com
蒙牛前晚喺北京發布新形象，以往包裝上畫嘅係在草原上吃草嘅牛，新包裝就變成「草原下的一滴奶」。據說新形象係為咗配合品牌新口號「只為點滴幸福」。蒙牛13年來都未試過換裝，呢次大轉變，被大家解讀為要同過去啲衰嘢一刀兩斷。
配合新口號「只為點滴幸福」
從噚日開始，蒙牛正式喺全國100幾萬個網點以新形象上架，新包裝嘅容量價格都唔變。有業內人士認為，家整個乳業負面新聞多，毛利率持續下滑，成本又高，所以使錢買廣告要好慎重。蒙牛換裝本身就係一種宣傳，連廣告費都慳埋。不過，比改變產品形象更重要嘅係，要做好內在產品改良。
有乳業專家就認為，之前蒙牛幾次傷害消費者嘅感情，無可能換個新形象就重塑信任。從前大家好信任佢，佢就塗改生產日期、添加化學品又超標；家無晒舊時風光，先來高呼「信任誠可貴」。究竟消費者會唔會相信蒙牛「浪子回頭」呢？呢個真係要睇蒙牛未來嘅銷量啦。
email:piano@mingpao.com
回應 (0)
