新聞類別
財經
詳情#
【明報專訊】仲有唔夠一個禮拜就係中秋同十一黃金周，喺呢個內地俗稱嘅「雙節」，一向都係金融行業送禮攀交情嘅重要時刻，但係今年經濟差，A股又疲弱，唔少券商收入銳減而要開源節流，所以首當其衝就係減少送禮成本，甚至請客戶食飯都要就住就住，送禮行情大打折扣。
券商定中秋送禮限2000蚊
以前每當佳節將至，請客送禮肯定絡繹不絕，成為內地一種傳統，但今年「雙節」將至，送禮行情卻比前幾年清減得多，唔少內地券商都大大減少送禮規模。有部分仲索性列出送禮金額上限，好似有間證券行就定出今年中秋嘅送禮報銷金額最多只有2000蚊，唔少券商人員都話，響家嘅物價水平下，2000蚊上限真係唔知可以送咩禮，就算請人食飯都唔能夠去太好嘅地方。
不少大行可能凍薪或裁員
咁又唔怪得佢地苦惱，事關送禮呢門學問，一係唔送唔請，要送要請就要夠體面，冇可能就住就住，所以班券商人員響公司有限成本之下，只可以自己貼錢請客，你話咁樣佢地點會積極。再者，今年個市咁差，唔少券行都蝕緊本，好啲嘅就扣起員工花紅唔發住，情况差嘅仲可能已經開始凍薪、減薪甚至採用瘦身大計，連大行都要進行裁員。
有唔少券商人員都感嘆，依家全行都冇幾間肯請人，響咁嘅大環境下，能夠保住飯碗已經好好，所以仲點可能貼錢請客。
email:piano@mingpao.com
券商定中秋送禮限2000蚊
以前每當佳節將至，請客送禮肯定絡繹不絕，成為內地一種傳統，但今年「雙節」將至，送禮行情卻比前幾年清減得多，唔少內地券商都大大減少送禮規模。有部分仲索性列出送禮金額上限，好似有間證券行就定出今年中秋嘅送禮報銷金額最多只有2000蚊，唔少券商人員都話，響家嘅物價水平下，2000蚊上限真係唔知可以送咩禮，就算請人食飯都唔能夠去太好嘅地方。
不少大行可能凍薪或裁員
咁又唔怪得佢地苦惱，事關送禮呢門學問，一係唔送唔請，要送要請就要夠體面，冇可能就住就住，所以班券商人員響公司有限成本之下，只可以自己貼錢請客，你話咁樣佢地點會積極。再者，今年個市咁差，唔少券行都蝕緊本，好啲嘅就扣起員工花紅唔發住，情况差嘅仲可能已經開始凍薪、減薪甚至採用瘦身大計，連大行都要進行裁員。
有唔少券商人員都感嘆，依家全行都冇幾間肯請人，響咁嘅大環境下，能夠保住飯碗已經好好，所以仲點可能貼錢請客。
email:piano@mingpao.com
回應 (0)
