頭條新聞回歸 劉細良加盟

【明報專訊】港台電視部節目《頭條新聞》9月又嚟啦，港台搵咗前特首曾蔭權嘅政治化妝師、中央政策組前顧問劉細良加盟，主持特備環節「城市亂彈」，同主持人一齊論政。


無官一身輕嘅劉細良話，「政治化妝」係要突出優點，但現屆政府近月嘅工作，唔係「化妝」，而係「整容」，佢以新界東北發展諮詢為例，「由2003年開始，那時已經講到香港邊緣化問題，如果不融入去，香港便會失去競爭力，即是說你的『造型』已經做了十多年，現時才去改變自己的容貌，這就不是化妝，因為別人已認得你的『造型』」，「以整容來諮詢東北，巿民當然不相信你」。佢又送8個字畀新一屆政府﹕「行之正道、開誠布公」，唔知CY有冇興趣搵細良返政府教佢化妝呢？