袁彌明遊蘇梅騷泳衣照

【明報專訊】立法會選舉後，唔少參選團隊都把握機會度假，成立兩年嘅選民力量（人民力量成員組織）就6個人拉大隊去泰國蘇梅島「日以繼夜、夜以繼日」，開咗5日4夜嘅檢討會同埋度假，噚日返港。袁彌明（Erica）仲將佢嘅「噴血」三點式泳衣相擺上facebook，即刻喺網上廣傳！


選民力量拉大隊兼檢討選舉

Erica同Emily講，佢哋一行人見到面就講選舉，不過都有預祝佢32歲生日（28號正日）同埋歐陽英傑伉儷結婚7周年，算係寓工作於娛樂！Erica話佢哋住嘅酒店有專畀人結婚嘅場地，佢哋就用嚟「燭光BBQ」，仲話佢哋大部分時間都留喺酒店，裏面又無乜人，所以無艷遇。除咗開會，大家當然唔少得游水同享受spa，至於候任立法會議員、慢必陳志全就勤健身，皆因佢有肚腩喎。


另外，Erica早排畀男支持者纏擾，佢話對方「因愛成恨」，仲試過半夜按鐘，家要朋友同司機車佢入大廈先感到安全，佢又警告對方下次再係咁一定會報警同申請禁制令。