天安門油畫 估價2500萬

【明報專訊】內地國慶8日長假，連拍賣行都唔放過搵生意機會。蘇富比今日起喺香港拍賣，小琴聽聞，內地知名畫家張曉剛的一幅天安門油畫，估價竟然高達2500萬。


蘇富比拍賣

蘇富比都算係全球規模最大嘅國際知名藝術拍賣行之一，呢間行對中國當代藝術都幾有興趣，尤其鍾情象徵北京權力的藝術作品，今次來港，就將張曉剛僅三件以天安門為主題的作品之一嘅《天安門1號》，作為宣傳亮點，一早已講明估價係1500萬至2500萬之間。


中國題材藝術品吃香

間行又話，今日還會有從未喺拍賣市場曝光嘅劉煒《革命家庭系列：晚宴》登場，價格都唔平，最低都成1500萬。睇嚟中國題材果然吃香，相比之下，香港藝術家呂振光嘅《山水系列第0008號》先至估10萬至15萬元。